Presidenti i Serbisë Aleksandar Vuçiç arriti në rajonin ushtarak të Nishit për të parë paradën ushtarake BRDM 2 (Boyevaya Razvedyvatenaya Dozornaya Mashina) në kuadër të paraqitjes së armëve dhe pajisjeve ushtarake të Forcave të Armatosura Serbe.
Presidenti Vuçiç falënderoi Federatën Ruse dhe Presidentin rus Vladimir Putin.
“Është në modë të flasësh keq për Putinin, por unë do të mbaj stilin e vjetër dhe do të them” Faleminderit Presidentit Putin”. Nuk e paguam këtë, e kemi marrë si dhuratë, është e rëndësishme që qytetarët tanë të dinë”, theksoi Vucic, pa cekur se mjetet ushtarake ishin te perdorura dhe gati të lëna për hekur.
Presidenti serb shoqërohej nga Ministri i Mbrojtjes Aleksandar Vulin, Shefi i Shtabit të Përgjithshëm të Forcave të Armatosura, Milan Mojsiloviç dhe Ambasadori i Federatës Ruse në Serbi, Alexander Botsan-Kharchenko.
Gjatë prezantimit u paraqitën tanke, si dhe “Norama-t”, helikopterët vetëlëvizës.
Në përputhje me Marrëveshjen Ushtarake-Teknike, nënshkruar midis Presidentit Serb Aleksandër Vuçiç dhe Presidentit rus Vladimir Putin, 10 automjete të blinduara BRDM 2 arritën në Serbi brenda kohës së dakorduar.
Vuçiç njoftoi se deri në fund të vitit, Serbia do të marrë armë shtesë ose të blera nga Serbia ose të dhuruara nga Rusia.
Ambasadori rus tha se vendi i tij është i vendosur të vazhdojë bashkëpunimin ushtarak me Serbinë, në mënyrë që Serbia të mund të ruajë sovranitetin dhe integritetin territorial. /tesheshi.com/
