Një projektrezolutë që parashikonte sanksione ndaj Sirisë për përdorimin e armëve kimike është përballur me veton e Rusisë dhe Kinës në votimin në Këshillin e Sigurimit.
Vetoja qe paralajmëruar më herët nga Rusia, që në vijimësi ka përdorur veton ndaj rezolutave të OKB-së mbi Sirinë.
Nëntë anëtarë të Këshillit të Sigurimit dhanë mbështetjen për projektrezolutën, ndërkohë që Rusia, Kina dhe Bolivia votuan kundër. Për të abstenuan Egjipti, Kazakistani dhe Etiopia.
Vladimir Putin do t’i cilësonte më herët sanksionet krejt të papërshtatshme, duke pretenduar se ato do të dëmtonin besimin te bisedimet e paqes.
Përndryshe, ambasadori i Kinës në OKB, Liu Jieyi, shprehu kundërshtimin e vendit të tij ndaj përdorimit të armëve kimike, por duke shtuar se ishte ende shpejt për të vënë sanksione, pasi hetimet po vazhdonin ende.
“Eshtë një ditë e trishtuar për Këshillin e Sigurimit kur anëtarët nisin të shfajësojnë shtete të tjera anëtare që vrasin popullin e tyre. Ata i vënë miqtë e tyre në regjimin e Assad-it përpara sigurisë tonë globale,” do të ishte reagimi i përfaqësueses së SHBA-së, Nikki Haley.
Për t’u miratuar, një rezolutë e Këshillit të Sigurimit kërkon nëntë vota në mbështetje të saj, si dhe asnjë veto nga pesë anëtarët e përhershëm. /tesheshi.com/
