Një festë normale ortodokse në Mal të Zi është kthyer në një demonstrim politik pansllav për t’i bërë karshillëk pranimit të vendit në NATO.
Ky eveniment është transmetuar i plotë nga Sputnik, i cili e përdor për të treguar se ka konsensus anti-NATO në Mal të Zi.
Mitropoliti i ishës Serbe në Mal të Zi, Amfilohije tha se Shën Vasili mblodhi në manastirin e Ostrogut rusë, grekë, armenë, rumunëve, bullgarë, francezë, gjermanë e italianë.
Po për Shën Vasilin u fol pak në meshë, ku fjalimet u mbajtën për Rusinë, Serbinë, pansllavizmin; e ku u sulmuan shqiptarët, NATO, SHBA e BE.
Vasili që përkujtuan serbët në fshatin pranë Podgoricës, nuk ka lidhje fare me Shën Vasilin që festojnë ortodoksët grekë apo edhe ato në Shqipëri.
Vasili (Jovanoviç), ka lindur në vitin 1610 në fshatin Mrkonjiç, në Hercegovinë. Nga murg ai bëhet Peshkop dhe si i tillë ai krijoi shumë vende mistike ku sillnin pelegrinë të shumtë.
Më pas, Patriarku i Kishës Serbe e shpalli shenjt në vitin 1671.
Këto lloj takimesh religjoze në Ballkan, janë në fakt siç kanë shërbyer edhe në të shkuarën, si pretekste të sajimit të historisë sipas interesave apo midesë për të kjijuar pastaj një model politik jo në realitet por në laborator. Dhe Kisha Ortodokse Serbe është në krye të radhës për këtë veprim.
Siç ka bërë në Kosovë, ku ka shpallur dhe aty kisha të shenjta që kur Nemanjiçi pushtoi Pejën. Dhe të shenjtat nuk erdhën nga qielli por u bënë me dekret, ngjashëm si Vasili i Ostrogut që solli sot në Mal të Zi një turmë edhe nga Rusia, si e si që të zhbëjë një vullnet të shumicës së malazezëve që ka vendosur të mos jenë në një aleancë me Moskën. /tesheshi.com/
