Një gjykatë ruse ka shpallur fajtor ish-marinsin amerikan Paul Whelan në një gjyq ku ai u akuzua për spiunazh për Shtetet e Bashkuara, njoftoi Reuters, duke shtuar se Whelan u dënua me 16 vjet burg.
Reuters shton se gjyqi, i cili normalisht u mbajt pas dyerve të mbyllura dhe për të cilin diplomatët amerikanë kanë thënë vazhdimisht se ishte i padrejtë dhe jo transparent, mbaroi sot.
Whelan, i cili mban një pasaportë amerikane, britanike, kanadeze dhe irlandeze, është në paraburgim që nga 28 dhjetori 2018, kur u arrestua nga agjentët e Byrosë Federale të Sigurisë Ruse (FSB) në Moskë.
Moska zyrtare thotë se 50-vjeçari u arrestua ndërsa zotëronte një disk të heqshëm që përmbante informacion të klasifikuar.
Whelan, i cili tha se nuk ndjehet fajtor, tregon se e gjithë çështja ishte e manipuluar për të dhe se ai mendonte se disku, i dhënë atij nga një i njohur nga Rusia, përmbante foto nga festa.
Diplomatët amerikanw përshkruajnë tërë rastin, sipas Reuters, si një “pengesë e rëndësishme” në avancimin e marrëdhënieve tashmë të dobëta bilaterale, dhe shpesh kanë thënë që nuk ka prova kundër Whelan dhe u kërkuan autoriteteve ruse që ta lirojnë.
Prokurorët e shtetit rus, të cilët kanë akuzuar Whelan për të paktën gradën e inteligjencës ushtarake regjimentale të SHBA, i kanë kërkuar gjykatës që ta dënojë me 18 vjet burg me masat maksimale të sigurisë.
Washington Post raporton se Whelan bërtiti pas dënimit se ai nuk kishte asnjë përkthim në anglisht dhe se ai nuk e kishte idenë se çfarë ata thanë gjatë dënimit. Media amerikane shton se avokati i tij njoftoi një apel kundër aktgjykimit. /tesheshi.com/
