Tashmë është zyrtare. Arturo Vidal është futbollisti i ri i Bajernit të Mynihut. Lajmin e ka konfirmuar presidenti i klubit bavarez, Karl Hainc Rumenige gjatë qëndrimit në fazën përgatitore në Kinë. Më saktësisht gjatë një konference për shtyp të mbajtur në hollin hotelit Guangzhu në Kinë.
“Mund të ju konfirmoj që kemi arritur marrëveshje me lojtarin dhe klubin e Juventusit lidhur me transferimin e tij. Tani mbetet të kryejë testet mjekësore para se të nënshkruajë kontratë”, ishin fjalët e para të kaiserit gjerman.
“Nëse gjithçka është në rregull me testet mjeksore ai do fillojë të jetë nën urdhërat e trajnerit qysh në javën tjetër”, përfundoi i pari i klubit bavarez. /tesheshi.com/
