Ministri i Arsimit, Sorin Kampeanu, do të jetë kryeministri i ri i vendit pas dorëheqjes së Viktor Pontës dy ditë më parë.
Presidenti rumun, Klaus Johanis, e caktoi dje Kampeanun në këtë detyrë, duke dashur t’i japë fund krizës politike të këtyre ditëve.
Ponta do të jepte dorëheqjen dy ditë më parë pas protestave të mijëra qytetarëve rumunë në rrugët e Bukureshtit dhe të qyteteve të tjera, që nisën pasi mbi 30 veta humbën jetën ndërsa një lokal nate mori flakë në fundjavë.
Viktor Ponta ka qenë gjatë këtyre javëve në qendër të vëmendjes dhe për një seri akuzash në drejtim të tij, përgjithësisht në lidhje me afera korruptive.
Kryeministri i ri deklaroi se qeveria e tij e përkohshme do të vazhdojë të punojë për projektbuxhetin e vitit të ardhdhëm, i cili pritet të kalojë këtë muaj në parlamentin rumun. /tesheshi.com/
