Kreu i Kuvendit Gramoz Ruçi u kërkoi autoriteteve të Katarit një përshpejtim të procesve të bashkëpunimit ekonomik me Shqipërinë.
Gjatë një vizite në Doha, siç informohet nga zyra e tij, Ruçi u takua homologun Ahmad bin Ambudulla bin Zaid al-Mahmoud, duke ia drejtuar atij “lutjen” për një prezencë të fuqishme Katarit në Shqipëri, duke nisur që me heqjen e vizave dhe vendosjen e linjës ajrore Tiranë – Doha.
“Me interes për Shqipërinë do të ishte rritja e bashkëpunimit ekonomik dhe shtimi i investimeve nga Katari në projektet strategjike për vendin. Midis tyre, dëshiroj te nënvizoj aktivizimin e marrëveshjeve ekonomike e tregëtare të nënshkruara dhe përshpejtimin e atyre që janë në proçes, përshpejtimin e veprimeve të qeverise së Katarit për lehtësimin dhe heqjen e vizave për shqiptarët, bashkëpunimin në fushën e transporit ajror dhe hyrjen e Qatar Airëays për fluturime direkte Doha-Tiranë. etj”, citohet të ketë deklaruar kryeparlamentari shqiptar, duke marrë prej homologut këtë reagim: “Unë do të nxis qeverinë dhe kompanitë katareze të shqyrtojnë me kujdes propozimet e palës shqiptare dhe tu përgjigjen atyre me nisma konkrete bashkëpunimi”.
Siç thuhet në njoftimin zyrtar të Kuvendit, Katari po mbështet Shqipërinë për vendin në Këshillin e Sigurimit të OKB-së për vitet 2022-23 dhe Shqipëria do të mbështesë Katarin për një vend anëtari jo të përhershëm në Këshillin e Sigurimit për vitet 2042-43. /tesheshi.com/
