Një ditë pas kërkesës së KLSH-së për të paditur ministrin e Energjisë për çështjen CEZ, Kuvendi është përplasur sërish për këtë çështje me shumë zhurmë.
Dy krerët e grupeve parlamentare. Gramoz Ruçi dhe Edi Paloka janë përplasur në seancë por gjegjësisht asgjë nuk kanë zgjidhur. Por vetëm janë përplasur me njëri-tjetrin.
Ruçi, duke iu drejtuar opozitës tha: “Bëni sikur kërkoni, por nuk dini se çfarë kërkoni. Ngrihet drejtuesi i grupit parlamentar dhe thotë pse nuk është futur në program, pastaj ngrihet ish-krytarja e kuvendit dhe thotë pse nuk është futur në kalendar. Ju nuk dini se çfarë kërkoni jeni të çorganizuar dhe nuk dini çfarë kërkoni.
Dje KLSH kallëzoi në prokurori objektin e hetimit tuaj: qeverinë Rama. Prokuroria le ta fillojë çështjen, mund të kërkojë ekspertizë amerikane apo europiane, është institucion i pavarur. Sa për kryeministrin, ai e ka thënë qartë se qeveria është e gatshme të thërrasë ekspertizë të huaj për hetimin”, ka thënë Ruçi.
Kurse Edi Paloka tha se kjo çështje është e madhe dhe do të bëhet edhe më e madhe sa këta nuk do ta mbulojnë dot sado i gjatë të jetë Edi Rama, edhe pse bëri marrëveshje me Metën, nuk e mbyllin dot këtë çështje, vetëm do i shtojnë zullumin vetes dhe përgjegjësinë.. Edhe sikur të kërkonim hetimin e Ramës nuk ka gjë të keqe se në opozitë jemi. Ne nuk po kërkojmë komision hetimor në parlament. Po kërkojmë t’i hapet rrugë një hetimi ndërkombëtar, sepse çështja është e madhe sesa drejtësia këtu”. /tesheshi.com/
