Kreu i grupit parlamentar të Partisë Socialiste Gramoz Ruçi e cilësoi gjithë situatën aktuale politike në vend, me protestën e opozitës në çadër dhe thirrjet për bojkot, si përpjekje për destabilizimin e vendit dhe rikthimin në vitin 1997. Duke folur nga Fieri, në një aktivitet për legalizimet, Ruçi nuk ka ngurruar të flasë hapur dhe të akuzojë po aq hapur.
“Pas një muaji duhet të zgjidhet presidenti, por ka nga ata që nuk e duan këtë dhe ky është fillimi i një krize. U hodh mbrëmë nga çadra teza që të mos ketë zgjedhje, kjo d.m.th që në shtator t’i mbaroje mandati parlamentit aktual. Kjo do të thotë qe Shqipëria te ngelet pa parlament, pa qeveri dhe kjo është kriza. Kjo që po ndodh tani është përpjekje për destabilitet”, u shpreh Ruçi.
Ai kujtoi se destabilitetin, shqiptarët e provuan në vitin 1997, në kohën e piramidave, siç u shpreh ai. /tesheshi.com/
