Kjo është ndër pamjet e zakonshme në Shqipërinë e sidomos 15 viteve të fundit. Janë “rrugë të lëna rrugëve”, sipas një shrehjeje të Ramës, e cila i adresohej stilit rrumpallhane, sipas tij, të punëve të Berishës në infrastrukturë. Por kjo është një pamje që nuk vjen nga era Berisha, është punë nën qeverisjen e Ramës sot e gjithë ditën.
Është një segment që, pasi është bërë gati traseja, gjithçka është ndërprerë. Paradoksi qëndron të faktin që rruga e vjetër, ajo e cila nuk ekziston më dhe që do zëvëndësohej nga e reja, ka qenë shumë më e mirë se kjo beterhane e tanishme, për të cilën askush nuk jep llogari.
Çfarë ndodh? Arsyeja ta thotë se ndërhyret në një rrugë ose me fond të garantuar që më pas devijon kushediseku, ose me fonde gjysmake, pa e çarë kokën për atë që u do u gjejë automjeteve për muaj të tërë. Segmenti në fjalë i përket aksit të jugut dhe ndodhet në ish-komunën Qendër të Tepelenës.
Prej një viti nisi të hapej traseja e re, dhe, pasi pasi u hap një segment prej më shumë se 1 km, gjithçka u ndëpre dhe sot aty është ferri vetë, qoftë dhe nëse kalon me karrocë me kuaj e jo me automjet. Të gjitha ata që ndodhen në timon, janë taksapagues në shtet, pikërisht për rrugët që nuk duhet të jenë së paku në këtë gjendje. Por ja se me çfarë ballafaqohen çdo ditë. Sigurisht që këtu nuk vjen era shtet, siç pretendon në të kundërtën Rama.
Shteti nuk është vetëm ai kur i nxirren dhëmbët shtetasit për t’ja marrë gjithë detyrimet fiskale, por kur dhe shteti vet i rri gatitu për t’ja ofruar të gjitha shërbimet. Ndërsa kjo pamje është një padrejtësi e gjallë, ku njëra palë, shteti tallet dhe shpërfill paq shtetasit e vet, pasi u ka marrë dhe paratë. Kjo nuk është Rilindje! /tesheshi.com/
