LDK-ja e Isa Mustafës i ka paralajmëruar subjektet tjera politike se ajo është e gatshme për t’u futur në garën e re zgjedhore dhe e fuqishme për t’i fituar ato.
Nënkryetari i kësaj partie, Lufti Haziri, në shënimin e 28-vjetorit të themelimit të Degës së LDK-së në Komunën e Gjilanit, ka thënë se kjo parti shumë shpejt do të rikthehet në krye të qeverisjes për t’ua zënë vendin PDK-së dhe AAK-së, atyre që ai i ka quajtur partnerë të pushkëve.
“Një LDK, e cila do të kthehet me një mbështetje të madhe qytetare. Shpresoj shumë se ky rikthim do të jetë shumë i shpejtë dhe i sigurt, sepse po shihet se si po qeveriset nga partnerët e pushkëve të mbledhura, se si qeveriset nga partnerët dhe njerëzit të cilët e kanë vetëm një kundërshtar në Kosovë, ajo është LDK-ja”, ka deklaruar Haziri të dielën, në manifestimin e organizuar në sallën e Teatrit të Qytetit në Gjilan.
Kujtojmë se LDK ka kohë që ka kohë që ka paralajmëruar mocion mosbesimi ndaj qeverisë “Haradinaj”, por deri më tani s’ka pasur asgjë konkrete në këtë drejtim.
Ajo njëherësh po përjeton kuotat më të ulëta elektorale që nga krijimi si forcë politike, prej ish-Presidentit Rugova. Gati-gati ka dalë forcë e tretë politikë, nga dikur që ishte qeverisëse. /tesheshi.com/
