Pamjet nga një xhami e Damaskut të transmetuara në mediat izraelite tregojnë opozitarët sirianë që zotohen të marshojnë në Jerusalem, një ditë pasi një ofensivë e befasishme i dha fund më shumë se pesë dekadave të sundimit të fortë nga familja Assad.
“Kjo është toka e Islamit, ky është Damasku, kështjella muslimane. Nga këtu në Jeruzalem. Ne po vijmë për Jerusalem. Durim, njerëz të Gazës, durim,” zotohet dikush në rolin e zëdhënësit.
Syrian rebels promise to conquer Jerusalem pic.twitter.com/6Q15YyPvDy
— mikhæl (@officialxkathir) December 9, 2024
Nuk është e qartë se cilit grup i përkasin ata. Ushtria izraelite (IDF) dje mori kontrollin e zonës tampon midis Izraelit dhe Sirisë, të cilën e përshkruan si një masë mbrojtëse dhe të përkohshme, duke pasur parasysh kaosin në vend pas rënies së diktatorit sirian Bashar al-Assad.
Për të kujtuar, kryeministri izraelit Benjamin Netanyahu tha të dielën se forcat izraelite kishin kapur një zonë tampon në Lartësitë e pushtuara të Golanit, e cila u krijua në vitin 1974 sipas një marrëveshjeje armëpushimi me Sirinë, pasi një përparim i papritur nga forcat opozitare siriane i dha fund sundimi i Bashar al-Assadit.
Izraeli pushtoi Lartësitë e Golanit në luftën e vitit 1967 dhe e aneksoi atë. Komuniteti ndërkombëtar, përveç Shteteve të Bashkuara të Amerikës, e konsideron atë territor të pushtuar. /tesheshi.com/
