Pranimi nga Irani se rrëzoi “pa dashje” një aeroplan pasagjerësh ukrainas, ka çuar në protesta anti-regjim ku kërkohet dorëheqja e Liderit Suprem Ali Khamnei.
Avioni u rrëzua të mërkurën, fiks në orët që Irani sulmoi dy baza ajrore që strehojnë forcat amerikane në Irak.
Sulmet raketore iraniane ishin në përgjigje ndaj ekzekutimit të komandantit iranian Qassem Soleimani.
Irani fillimisht mohoi njoftimet se raketat e tij rrëzuan aeroplanin, dhe një zëdhënës akuzoi vendet perëndimore për “gënjeshtra dhe zhvillim të një lufte psikologjike”.
Por këtë të shtunë u pranua gjithçka kishte ndodhur; avioni me pasagjerë ishte ngatërruar me një të mundshëm ushtar amerikan.
Presidenti iranian Hassan Rouhani komunikoi me homologun e tij ukrainas Volodymyr Zelensky dhe i premtoi atij se ai do të sillte para drejtësisë fajtorët për rënien e Boeing-ut ukrainas. Por ngjarja ka nxjerrë njerëzit në rrugë, e kjo në një moment delikat për regjimin, i cili po përpiqet të hahet me SHBA. /tesheshi.com/
