Rënia e Nikolla Gruevskit dhe zbehja e influencës sllave në Maqedoni ka hapur edhe petët e vjetra të byrekut.
Familje të cilat janë shqiptare, por që ishin asimiluar apo të deklaruara maqedonase dhe që i përkasin besimit ortodoks. kanë nisur të shfaqen sot e të ripohojnë kombësinë e fshehur.
Ndërkohë që për një shekull duhet thënë që bazën shqiptare, gjuhën dhe traditën e kanë ruajtur të gjithë besimtarët muslimanë në Maqedoni, të cilët së bashku me fenë islame kanë mbajtur fort edhe identitetin kombëtar; e tani kanë nisur të shprehen edhe ortodoksët shqiptarë, për rrënjët e tyre, fshehur pas petkut maqedonas.
Një familje nga qyteti i Manastirit, gjatë një interviste në emisionin e fundit të moderatorit Agim Poshka që transmetohet në Tv21, përkatësisht pasardhësit e familjes së njohur Qirjazi, ngrejnë zërin për identitetin e tyre etnik.
Bëhej fjalë për Risto Kirjazin, i punësuar në Komunën e Manastirit, nip i Risto Kirjazit të parë, që ka qenë një nga vëllezërit e Parashqevisë dhe Sevasti Qirjazi.
Në intervistë Kirjazi flet për trungun gjeneologjik, gjyshin e vet Riston i cili ishte vëllai i Gjerasim Qirjazit dhe që kanë qenë organizatorë të Kongresit të Manastrit; lidhjet me familjen Manaki dhe kontributin e tyre për çështjen kombëtare. /tesheshi.com/
Ndiqeni Kristo Qirjazin maqedonisht:
