Reshjet e dy ditëve të fundit kanë rritur shumë prurjet në hidrocentralet e kaskadës së Lumit Drin.
Kuota ka arritur në nivele të larta, sa ka detyruar drejtuesit e dy hidrocentraleve të Fierzës dhe Komanit që të hapin portat e shkarkimit.
Shkarkimi ka nisur tashmë në mënyrë graduale për të mos sjellë përmbytje massive në Nënshkodër dhe Lezhë ku përfundojnë ujrat e Drinit.
Kota e shkarkimit ka qenë me 500 m3 ujë në sekondë ndërkohe që nuk dihet nëse këto shkarkime do të qëndrojnë gjatë, kjo edhe në varësi të prurjeve ne hidrocentral.
E njëjta situatë është regjistruar edhe në Hecin e Vaut të Dejës. Edhe pse në sasi më të vogël, në Vaun e Dejës, shkarkimet kanë nisur mëngjesin e së dielës me 500 m3 ujë në sekondë, ndërkohë që këto shkarkime po kontrollohen me qëllim që të mos shkaktojnë përmbytje.
/tesheshi.com/
