Një korrespondent ushtarak për Channel 13 të Izraelit raportoi detaje interesante nga dëshmitë e ushtarëve izraelitë rreth shtrirjes së përgatitjeve të rezistencës palestineze në qytetin Beit Hanoun, në veri të Rripit të Gazës, për të gjuajtur ushtarët okupues, edhe pse ajo pjesë e Gazës ka qenë plotësisht i rrafshuar në operacionet e granatimeve dhe bombardimeve.
Korrespondenti Almog Boker tha se ushtarët i thanë atij se po luftonin në një mjedis të monitoruar nga kamerat e rezistencës palestineze, se pajisje shpërthyese ishin vendosur në çdo rrugicë që luftëtarët palestinezë aktivizonin nga brenda tuneleve dhe se rrjeti i tuneleve po vepronte nën tokë me kapacitet të plotë.
“Nuk mund t’i shohim me sy të lirë. Nuk ka asnjë identifikim të drejtpërdrejtë të luftëtarëve për një javë e gjysmë. Ata minuan plotësisht Beit Hanoun me një sasi të madhe mjetesh shpërthyese dhe mbetjet e bombave të forcave tona ajrore,” tha një ushtar izraelit.
Ai shtoi: “Çdo rrugicë… çdo kryqëzim është i mbushur me kamerat më të fundit, disa prej të cilave janë kamera termike që mbulojnë një zonë 360 gradë. Nëse ka një dron, mjetet shpërthyese nuk aktivizohen, por nëse janë të pranishme forcat ushtarake, pajisjet aktivizohen”, tha ai.
Në një vit e tre muaj, Izraeli ka dështuar plotësisht përballë rezistencës palestineze, në atë që është luftë burrash. E nga ana tjetër është treguar brutale ndaj popullatës civile, duke arritur në kufijtë e gjenocidit me vrasjen e qindra grave e fëmijëve, si dhe rrafshimin e çdo godine në Rrip, përfshirë shkolla, spitale e objekte adhurimit të Zotit. /tesheshi.com/
