Rrëfehet një lojtar i Chelsea-s: më mirë të humbasim se të fitojmë për Mourinhon

Skuadra londineze e Chelsea-s po kalon në një formë tmerrësisht të dobët duke varguar rezultatet negative të njëpasnjëshme. Për këtë fajtor po shihet trajneri i saj, Jose Mourinho që nuk ka më besimin e lojtarëve. “Më mirë të humbasim se të fitojmë për Mourinhon”, është shprehur njëri nga lojtarët blu.

Lajmin e ka konfirmuar gazetari Garry Richardson përmes valëve të BBC radios, i cili ka konfirmuar krizën që po kalon portugezi me lojtarët në dhomat e zhveshjes.

“Më thanë që jemi të lodhur nga forma se si Mourinho po na trajton. Jemi të lodhur me metodat e tij. Dhe, se marrëdhënia e tij me lojtarin më të mirë të skuadrës, Eden Hazard është shumë e tensionuar”, ka thënë Richardson. /tesheshi.com/