Të lexosh nuk do të thotë vetëm të marrësh sa më shumë dije, por edhe të përmirësosh jetën tënde në mënyrën më të mirë të mundshme.
Studiuesit e Universitetit të Liverpul kanë arritur në përfundimin se personat që lexojnë kanë një jetë shumë herë më të shëndetshme se ata që nuk lexojnë.
Sipas tyre personat që lexojnë vetëm 30 minuta gjatë javës, kanë 20% më shumë gjasa të jenë të kënaqur në jetën e tyre.
Për më tepër njëri prej përfitimeve më të mëdha të lexuesve është që me vetëm 30 minuta lexim gjatë javës, njerëzit kanë deklaruar që kanë më shumë mirëkuptim ndaj ndjenjave të njerëzve të tjerë.
Ndër përfitimet e tjera që përmenden në rezultatet e studimit janë: 43% e lexuesve kanë thënë që leximi u ndihmon të flenë më mire, 19% e lexuesve kanë thënë që duke lexuar janë ndjerë më pak të vetmuar, tek lexuesit e rregullt është vënë re 57% vetëdije më e lartë kulturore, ndërsa tek 21% dituri më e madhe e përgjithshme, lexuesit kanë pasur 48% nivel më të lartë të kreativitetit për dallim prej atyre që nuk lexojnë, gjithashtu është zbuluar që lexuesit ndajnë 27% më shumë kohë për shoqërinë e tyre.
Studiuesit theksojnë se me lexim njeriu përmirëson vetëbesimin, ndërton lidhje më të mira shoqërore, i zgjeron horizontet dhe bëhet person më i mirë./tesheshi.com/
