Rrahja brutale që i ndodhit Ziadin Selës në ambientet e Kuvendit të Maqedonisë, ishte dhe një test mbi raportet e njerëzores dhe politikes në rradhët e atyre që merren me këtë të fundit.
Por siç duket, pritja që iu bë Selës pasi doli nga spitali, duke ngjarë paksa dhe si hero, ka provokuar njëfarë xhelozie politike nga ana e rivalëve. Është shfaqur kjo te BDI, për hir të së vërtetës jo në lidershipin e saj, por tek eksponentë të veçantë, siç është rasti me Artin Spahiun, i cili ka tentuar ta ç’heroizojë Selën duke i kujtuar atij se lufta e jo rrahja, janë ato që t’a japin statusin e heroit, që po ashtu për hir të së vërtetës, Sela nuk është se e ka kërkuar, e madje në ato pak fjalë të thëna në publik pas incidentit, është treguar tejet i rezervuar, për të mos thënë modest.
Dhe ja si tenton Spahiu ta ulë Selën nga piedestali i heroit, ku politika del para njerëzores:
“Shqiptarët tradicionalisht kanë qenë të sprovuar me sakrifica dhe mundime për të mbijetuar dhe për të ruajtur identitetin e tyre , falë rrezikut që u është kanosur nga zgjedha dhe okupatorë të ndryshëm. Vetëm 20 vitet e fundit shqiptarët janë përballuar me tre luftra anti-sllave- Kosovë, Preshevë e Maqedoni, e mos flasim nga viti 1980 kur burgoseshin, emigronin, ishin detyruar ilegalisht që të organizohen…
Nga gjitha këta sprova që kanë pasur shqiptarët, të keshë qenë në moshë e në gjenje dhe të mos marrësh pjesë në asnjërën, të mos sakrifikosh asgjë nga vetja dhe në fund të quhesh hero, vetëm te ne ndodh! Mirë qofshi dhe u kthjellofshi!”, ka shkruar Artan Spahiu në facebook.
Ndaj këtij statusi në facebook, njeriu i BDI-së ka marrë me dhjetëra komente negative nga miqtë e tij, të cilët i kanë kërkuar që meqë është fjala për shëndetin e tjetrit, të tregohet paksa më i rezervuar.
Kujtojmë se ishin pikërisht deputetët e “Aleancës për Shqiptarët” në krye të së cilës është Ziadin Sela, ata të cilët votuan për zgjedhjen e Talat Xhaferit si kryeparlamentar i parë shqiptar në Maqedoni, edhe pse ky i fundit vjen nga BDI. /tesheshi.com/
