Udhëheqja e klubit saudit të futbollit Al Nassr mohoi se kontrata e klubit të Riadit me futbollistin portugez Cristiano Ronaldo ka të bëjë me ofertën e Arabisë Saudite për të pritur Kupën e Botës 2030.
Në fund të vitit të kaluar, Ronaldo nënshkroi kontratë me Al Nassr deri në qershor të vitit 2025.
Ai duhet të fitojë rreth 200 milionë euro në vit në klubin nga Riadi dhe këtu përfshihen të drejtat komerciale të futbollistit portugez.
Megjithatë, disa media raportuan se në kontratë ishte futur një klauzolë që Ronaldo 37-vjeçar duhet të jetë fytyra e ofertës së Arabisë Saudite për të pritur Kupën e Botës 2030.
Sipas raportimeve, Ronaldo do të paguhet 200 milionë euro shtesë për të mbështetur ofertën e Arabisë Saudite për të organizuar Kupën e Botës.
“Al Nassr dëshiron të sqarojë disa përfolje. Kontrata e Ronaldos me Al Nassr nuk përfshin asnjë detyrim për të ofruar për Mundial. Fokusi i tij është te Al Nassr dhe si të bëjë sukses me klubin”, është bërë e ditur në llogarinë zyrtare në Twitter të Al Nassr.
Kandidaturë për Kupën e Botës
Ronaldo mbërriti në Arabinë Saudite në fillim të janarit, vetëm disa javë pas Kupës së Botës në Katarin fqinj, në një kohë kur Arabia Saudite po shqyrton një ofertë të përbashkët aziatike-afrikano-evropiane për të pritur turneun më të madh të futbollit me Egjiptin dhe Greqinë.
Afati i fundit për dorëzimin e ofertave për organizimin e Kupës së Botës 2030 filloi vitin e kaluar dhe fituesi do të zgjidhet në Kongresin e FIFA-s 2024.
Kupa e Botës 2026 do të mbahet në Shtetet e Bashkuara, Kanada dhe Meksikë, duke shënuar herën e parë që turneu do të ndahet nga tre vende të ndryshme.
Ronaldo është emri më kumbues i një futbollisti që ka ardhur në Arabinë Saudite, në Gjirin Persik apo në ndonjë vend tjetër të konfederatës aziatike.
Al Nassr, nëntë herë kampion i ligës saudite, përfaqëson një rënie të konsiderueshme të standardeve për sulmuesin portugez, i cili ka udhëhequr Manchester United, Real Madrid dhe Juventus drejt titujve të njëpasnjëshëm.
Nënshkrimi i Ronaldos vjen në mes të goditjeve saudite në sport, duke përfshirë golfin, boksin, tenisin dhe Formula 1, si dhe futbollin, pas marrjes së skuadrës angleze të Premierligës, Neëcastle United vitin e kaluar.
Arabia Saudite, e udhëhequr nga sundimtari de fakto, Princi i Kurorës Mohammed bin Salman, do të presë edicionet e ardhshme të Lojërave Aziatike dhe Lojërave Aziatike Dimërore, si dhe Kupën Aziatike të futbollit për meshkuj dhe femra.
Ronaldo do të bëjë debutimin e tij zyrtar për klubin e ri më 22 janar në ndeshjen mes Al Nassr dhe Al Ettifaq. /tesheshi.com/
