Cristiano Ronaldo rrezikon të përfundojë në burg, sipas një autoriteti të taksave në Spanjë. Për të pretendohet se ka kryer krim fiskal duke fshehur të ardhurat e taksueshme.
E përditshmja spanjolle El Mundo ka raportuar për 150 milionë euro të larguar nga portugezi në parajsat fiskale.
Por është klubi ku luan Ronaldo që i ka dalë në mbrojtje lojtarit, duke kërkuar respekt maksimal për të.
Reali kërkon t’u vërë fre zërave që flasin për shmangie taksash nga Ronaldo, e për shfrytëzim të kompanive offshore prej tij.
“Duke patur parasysh lajmet e publikuara gjatë ditëve të fundit dhe në respekt të certifikatës së lëshuar nga Agjencia Spanjolle e Taksave, që konfirmon se lojtari ynë, Cristiano Ronaldo, është i përditësuar me të gjitha detyrimet e tij të taksave, Reali i Madridit kërkon të tregohet respekt maksimal ndaj Cristiano Ronaldo-s, sjellja e të cilit ka qenë absolutisht shembullore gjatë gjithë kohës në klubin tonë,” thotë një deklaratë e klubit madrilen. /tesheshi.com/
