Dje, triumfi i Juventusit ndaj Sasulos, kishte si shenjë dalluese “hyrjen” për herë të parë të Ronaldos në lojë, pasi shënimit të dy golave të fitores nga ylli portugez.
Ai, duke folur për mediat pas takimit, e pranoi se e kishte kapur një nervozitet nga mosshënimi i asnjë goli prej sa kishte nisur kampionati, dhe sigurisht paraqitja e tij te Zonja e Vjetër.
“I doja çmendurisht ato dy gola. Është e rëndësishme që skuadra të fitojë, por më kishte kapur tensioni, nervoziteti. Dua të falenderoj shokët e skuadrës që më kanë mbështetur në çdo gjë. E dija që do shënoja. Kam punuar shumë dhe se ishte vetëm një çështje kohe. Tashmë e mësova mënyrën italiane të futbollit”, tha Ronaldo.
Shumë kritikë komentonin se pikërisht në këtë pikë po çalonte Ronaldo; ai nuk po përshtatej me futbollin italian.
Por a do vijojë të jetë tashmë një makineri golash këtej e tutje? Referuar fjalëve të tij “…e mësova mënyrën italiane të futbollit”, besohet që po.
Ardhja e Ronaldos në Seria A, ka ripërtërirë interesin për kampionatin italian, aty ku prej vitesh luanin yjet e botës. /tesheshi.com/
