Martesa e Rudi Garcias me Romën është në prag të shkurorëzimit. Tashmë romakët i kanë vënë ultimatum trajnerit francez i cili po kalon në krizë të rezultateve me gjigantin italian. Genoa pritet të jetë testi i fundit që duhet të kalojë Garcia, ndryshe duhet ti bëjë gati valigjet për të ikur nga Olimpico.
Tashmë është menduar edhe për pasardhësin e tij tek verdhekuqtë. Emri i Luciano Spallettit është në pole position për të marrë sërish komandën romake. Në këtë mënyrë pritet të plotësohet edhe dëshira e madhe e tifozëve të Romës, të cilët duan ta rikthejnë në krye të skuadrës njeriun që u dhuroi atyre emocionet më të mira gjatë viteve 2005 deri më 2009.
Roma pas 16 javëve të zhvilluara renditet në pozitën e pestë me 29 pikë të tubuara.
/tesheshi.com/
