Rojet kufitare të Arabisë Saudite shpëtuan një tanker iranian nafte në Detin e Kuq, në të cilin ndodheshin 26 marinarë, pasi ishin larguar nga porti i qytetit Xheda.
Në një deklaratë të Agjencisë saudite të lajmeve, zëdhënësi i Drej torisë së Përgjithshme të Rojes Bregdetare të Arabisë Saudite tha se marina e Xheda-s mori një telefonatë nga anija iraniane “Happiness I”, e cila kishte pësuar defekt të motorit që çoi në humbjen e kontrollit.
Tankeri i naftës, në të cilën ishin 24 marinarë iranianë dhe 2 shtetas të Bangladeshit, u prish rreth 70 milje detare në jugperëndim të portit të Xheda-s.
Autoritetet saudite shpëtuan ekuipazhin, tërhoqën anijen në port dhe aktivizuan planin kombëtar për t’u marrë me ndotjen si masë paraprake për të shmangur rrjedhjen e naftës, shtoi burimi.
Tankeri u nis dy ditë më parë në Kanalin e Suezit dhe u detyrua të shkonte në portin më të afërt, atë të Xheda-s për shkak të një defekti teknik, njoftoi IRNA. tesheshi.com/
