Sanksionet e ripërtërira amerikane i kanë kushtuar Iranit 200 miliardë dollarë në të ardhura nga valutat dhe investimet, tha të martën Presidenti iranian Hassan Rouhani.
Sanksionet i kanë privuar vendit 100 miliardë dollarë të ardhura nga nafta gjatë dy viteve të fundit dhe një sasi të barabartë krediti për investime të huaja, tha Rouhani në një fjalim televiziv.
Kujtohet se në fillim të këtij muaji, Rouhani dorëzoi një projekt-buxhet për vitin e ardhshëm fiskal të hartuar për të kompensuar ndikimin e politikës së “presionit maksimal” të SHBA-së mbi Iranin.
Sanksionet amerikane kanë çuar në regjistrimin e eksporteve të ulëta të naftës nga Irani, i cili është tradicionalisht burimi më i madh i të ardhurave nga valutat në vend.
SHBA ka vendosur sanksione të reja ndaj Iranit pasi Presidenti Trump tërhoqi SHBA nga një marrëveshje ndërkombëtare mbi programin bërthamor, nënshkruar në 2015-ën mes Teheranit dhe lidërve botërore, e ku Presidencën amerikane e udhëhiqte Obama. /tesheshi.com/
