Policia në Minneapolis përdori gaz lotsjellës dhe bomba tymi në natën e dytë të protestave për vrasjen e një tjetër afro-amerikan në këtë qytet, pasi policia tha se anëtari i saj që e vrau atë “me sa duket qëlloi aksidentalisht nga një armë që ai nxori në vend të një armë trullosëse”.
Qindra protestues që protestuan për vdekjen e 20-vjeçarit Daunte Wright në kundërshtim me shtetrrethimin, për natën e dytë me radhë u përleshën me policinë në një periferi të Minneapolis, në Brooklyn Center, raportuan mediat amerikane.
Shefi i policisë lokale Tim Gannon tha më parë se oficeri që vrau Wright pasi e ndaloi atë për një shkelje të trafiku, “duket se ka qëlluar aksidentalisht”.
Videoja, e lëshuar në një konferencë për shtyp, tregon një përplasje midis Wright dhe një oficeri policie, pas së cilës Wright futet në makinën e tij.
Pas kësaj, makina largohet dhe dëgjohet zëri i një policie që thotë: “Dreq, e qëllova”.
“Bazuar në atë që pashë dhe reagimin e oficerëve të policisë më pas, më duket se u qëllua aksidentalisht, e cila rezultoi në vdekjen tragjike të Wright”, tha Gannon, shkruan AP.
Një deklaratë e mëparshme e policisë deklaroi se Wright ishte ndaluar në mënyrë rutinore ndërsa po ngiste makinën, se gjatë kontrollit u vërtetua se ishte lëshuar një urdhërarresti për të.
Ai dyshohet se u fut në makinën e tij duke u përpjekur të largohej nga vendi i ngjarjes, ndaj dhe një nga oficerët e policisë qëlloi mbi të.
Incidenti erdhi në një kohë kur situata është tashmë e tensionuar në Minneapolis rreth gjyqit të ish-oficerit të policisë Derek Chauvin për vrasjen e George Floyd, i cili vdiq vitin e kaluar gjatë një arrestimi vetëm 16 milje larg. /tesheshi.com/
