Partia Demokratike ka promovuar një tjetër argument për t’iu kundërpërgjigjur Rilindjes Urbane të qeverisjes Rama, e cila mbahet si ndër kartat më të forta të qeverisjes së majtë në katër vite.
Nga Lushnja, Arben Ristani tha se ishte PD-ja ajo që bëri të mundur integrimin e Shqipërisë në BE e anëtarësimin në NATO, por që për më tepër u rriti shqiptarëve rrogat e pensionet. Këtë të fundit, nr.2 i demokratëve e pëdori për të zhvlerësuar investimet në infrastrukturën e qyteteve.
“PD rriti rrogat e pensionet, ndërsa socialistet mbjellin palma dhe shtrojnë pllaka majolike kur njerëzit nuk kanë se çfare të hanë”, tha Ristani.
Më pas ai shtoi se Republika e Re do të sjellë një ekonomi të fortë e të nesërme të sigurt.
“Do ta kthejmë Shqipërinë në kantier për të ndërtuar. Premtimi i Bashës është për të rritur rrogat e pensionet, për të ulur tarifat e studimit në universitete”, tha Ristani në mungesë të fjalës së vetë kryetarit Basha, i cili po kurohet në QSUT së bashku me dhjetra përkrahës, pas problemeve në shëndet të ndodhura pas mitingut hapës të së shtunës, një rast i rrallë ky që po hetohet. /tesheshi.com/
