Autori i sulmit kundër xhamisë në Londër është akuzuar zyrtarisht për vrasje dhe sulm terrorist. Policia e Londrës bëri të ditur se 47- vjeçari Darren Osborn është akuzuar për goditje me veprim terrorist, vrasje dhe vrasje të mbetur në tentativë, të lidhura me sulmin kundër një grupi besimtarësh në afërsi të qëndrës islame në rajonin Finsbury Park në veri të kryeqytetit britanik.
Në këtë ngjarje humbi jetën një 51-vjeçar dhe të paktën dhjetë persona të tjerë u plagosën disa prej të cilëve janë në gjendje të rëndë. Viktima, me origjinë nga Bangladeshi, kishte 10 vjet që jetonte në Angli.
Pak pas kësaj ngjarjeje, Këshilli i Muslimanëve të Londrës deklaroi se ishin të sigurt që veprimi i shoferit i cili goditi me makinën e tij kalimtarët ishte i qëllimshëm, dhe më pas Kryeministrja Britanike Tereza May e cilësoi këtë si një “akt terrorist”.
Pas këtij sulmi, shumë njerëz ëe shenjë solidariteti me muslimanët vizituan rrugën ku ndodhi ngjarja duke vendosur aty buqeta lulesh. Dy ditë më parë, Princi Britanik i Kurorës, Çarlsi, duke bërë një vizitë në vendgjarje përcolli aty ngushëllimin e Mbretëreshës për viktimat e shkaktuara. /tesheshi.com/
