Fshati zviceran ku shpërtheu municioni i Luftës së Dytë Botërore 73 vjet më parë do të evakuohet për dhjetë vjet derisa të hiqen bombat e mbetura, të gjitha si pjesë e një plani të miratuar nga qeveria prej 1 miliard dollarësh.
Një seri shpërthimesh afër Mitholz-it, thellë në Alpet Zvicerane në jug të Bernës, filluan pak para mesnatës së 19 dhjetorit 1947, sipas Reuters.
Nëntë njerëz vdiqën ndërsa valët e shpërthimit tronditën luginën me mbetjet ranë mbi shtëpitë, duke shkatërruar qendrën e qytetit dhe stacionin e trenit.
Megjithëse Mitholz-i u rindërtua shpejt, rreth 3,500 ton bomba aeroplani, mina dhe granata dore mbetën në magazinat ushtarake në mal.
Ekspertët e municionit e kanë shpallur rezervën e paqëndrueshme, me potencialin për të shkaktuar një tragjedi tjetër.
Heqja e armëve, e cila do të kushtojë deri në 900 milion franga zvicerane (834 milion euro), nuk do të fillojë deri në 2030, por udhëheqësit zviceranë zbuluan së fundi planin për të vlerësuar pasurinë e Mitholz-it vitin e ardhshëm për t’u dhënë kompensim afërsisht 170 njerëzve të detyruar të evakuohen.
“Banorët e Mitholz-it duhet të largohen dhe, në varësi të mënyrës se si përparojnë gjërat, kjo duhet të ndodhë për më shumë se dhjetë vjet,” tha qeveria.
Ministria e Mbrojtjes do të mbështesë të prekurit, veçanërisht në përgatitjet për largimin e tyre.
Por jo të gjithë banorët janë të etur të largohen nga shtëpitë e tyre, i tha Reuters-it zyrtari i qeverisë lokale Matthias Schmid.
Domethënë, disa kanë frikë se mund të mos kthehen më, ndërsa pasiguria e gjatë për vendin ku do të zhvendosen i bën gjërat të vështira.
“Disa janë sentimentale. Disa thonë se nuk do të funksionojë. Qëllimi ynë është të gjejmë një zgjidhje të mirë, kështu që sapo të vijë koha, njerëzit do të thonë; ‘Unë nuk dua të shkoj, por po shkoj’,” thanë zyrtarët. /tesheshi.com/
