Kuratorja e muzeut të Dresdenit “Green Vault”, Marion Ackermann, flet për një “mrekulli të Krishtlindjes” kur autoritetet gjermane e informuan atë se objektet e vlefshme të shekullit të 18-të që ishin vjedhur tre vjet më parë do të ktheheshin në orët e para të 25 nëntorit 2019.
Autoritetet gjermane i kthyen muzeut “Green Vault” 31 objekte historike, të cilat pasi u siguruan u vendosën më pas në muzeun e Dresdenit.
Artefaktet e shekullit të 18-të të vjedhura në vitin 2019 nga muzeu kanë vlerë më shumë se 113 milionë euro, raporton BBC.
Sipas informacioneve, malli i vjedhur me vlerë është gjetur pas bisedave që autoritetet kanë pasur me avokatët e gjashtë personave të ulur në bankën e të akuzuarve për vjedhjen.
Në vitrinën e muzeut që grabitësit thyen, ndodheshin gjithsej 100 objekte me vlerë. Sendet e vjedhura ishin bizhuteri të shekullit të 18-të, të gjitha të zbukuruara me diamante, siç raportohet nga gazeta gjermane Bild.
Mbrëmjen e së shtunës së kaluar, 31 bizhuteritë e vjedhura me mjeshtëri nga muzeu i Dresdenit – duke përfshirë stolinë e kapelës me famë botërore (Heron Stutz) dhe yllin e Urdhrit Polatik të Shqiponjës së Bardhë – u kapën nga forcat speciale të policisë në Berlin dhe u kthyen në Dresden.
Lajmi se objektet historike u gjetën nga autoritetet gjermane shkaktoi një furi gëzimi te koleksionistët e arteve në Dresden, siç pretendon kuratori i muzeut “Green Dome”.
“Po marrim lajme nga e gjithë bota, është e vështirë të besohet se si janë gjetur këto objekte historike nga autoritetet. Është një mrekulli e Krishtlindjeve”, tha kuratorja e muzeut, Marion Ackermann në kanalin televiziv gjerman “MDR”. /tesheshi.com/
