E habitshme zgjedhja e organizatorëve të protestës të PD-së për të lëshuar nga fonia këngët e kohës së dikaturës, huazuar nga fondi i “Këngëve të Shekullit”, ndoshta dhe për faktin se regjinë e protestës e drejton Bledar Laço, ish-regjisori i spektaklit “Këngët e Shekullit”.
Edhe pse ato kanë qenë vërtet krijime cilësore në pentagram, fryma e tyre përmban mesazhet e së majtës, sidomos kur është fjala për të tilla si “Për ty atdhe”, siç po u dëgjua nga fonia në pritje të nisjes së protestës, ku gjithçka, në nota e fjalë, i dedikohet atdheut nën udhëheqjen e komunistëve dhe Enver Hoxhës.
Vitet e fundit PD ka akuzuar mazhorancën për kthim me kast të simboleve të komunizmit; por deri diku po bën dhe vetë të njëjtën gjë duke lëshuar këngë të frymës proletare nga podiumi i protestës. /tesheshi.com/
