Liverpool ndodhet në krizë për rezultate pozitive. Një konfirmim të tillë e dha edhe ndeshja e fundit në kupën e Ligës, ndaj skuadrës nga divizioni i katërt Charlisle, ku u ekzekutuan penalltitë për të gjetur fituesin.
Gjatë kohës kur Rogers po këshillonte lojtarët se si duhej të ekzekutoheshin penalltitë atë nuk po e dëgjonte askush, duke konfirmuar kështu reputacionin e dobët që ka tekniku irlandez te lojtarët e tij.
Fushatës së tifozëve të Liverpoolit për ta larguar trajnerin Brandan Rogers, duket se iu janë bashkuar edhe vetë lojtarët e klubit nga Anfield. Gjatë ndeshjes për kupën e Ligës, ndaj skuadrës Charlisle lojtarët e Liverpoolit nuk dukeshin fort të koncentruar në udhëzimet që po jepte Rogers. Kjo bëri që skuadra të përfundonte me barazim, (1-1) kohën e rregullt dhe atë shtesë.
Megjithëse, Liverpooli triumfoi pas penalltive, kjo fitore është e zymtë dhe ka mbetur nën hijen e formës së dobët që po kalojnë 18 herë kampionët e Anglisë. Mediat në ishull e shohin largimin e Rogers si zgjidhje të vetme që skuadra e Liverpoolit të rikthehet të luftojë sërish për titullin e kampionit të Anglisë. /tesheshi.com/
