Me gjasë, shteti izraelit nuk do t’i bindet rezolutës historike të Këshillit të Sigurimit të OKB-së që dënoi vendbanimet përgjatë vijës së gjelbër si një “shkelje flagrante” të së drejtës ndërkombëtare.
Komiteti lokal i Planifikimit dhe Ndërtimit të Jerusalemit pritet të miratojë lejet për ndërtimin e 618 shtëpive të reja në lagjet hebraike përgjatë vijës së gjelbër të mërkurën, raporton Haaretz.
Kjo ishte vendosdur përpara rezolutës, ku numri i planeve të ndërtimit të miratuara për Jeruzalemin lindor është rritur ndjeshëm gjatë dy viteve të fundit.
Komiteti pritet të debatojë edhe për ndërtimin e rreth 5,600 shtëpive të reja përtej vijës së gjelbër, raporton Israel Hayom.
“Ne mbetemi të relaksuar nga vota e OKB-së apo e ndonjë subjekti tjetër që përpiqet të diktojë atë që bëjmë ne në Jeruzalem”, tha për gazetën nënkryetari i komunës së Jerusalemit, Meir Turgeman.
“Shpresoj që qeveria izraelite dhe administrata e re amerikane do të na mbështesin, kështu që ne mund ta kompensojmë mungesën (e ndërtimit) gjatë tetë viteve të administratës Obama.”
Izraeli shkoi përpara me premtimet e hakmarrjes pas votimit në OKB për një rezolutë kundër vendbanimeve të reja, e cila kaloi në sajë të një abstenimi nga SHBA, aleat ky i ngushtë i Izraelit.
Ministria e Jashtme e Izraelit tha se ka filluar thirrjen e ambasadorëve të vendeve të cilët votuan në favor të rezolutës, përfshirë dhe të atyre që janë anëtarë të përhershëm të Këshillit të Sigurimit – Rusia, Kina, Britania e Madhe dhe Franca.
Më vonë, këtij vargani ambasadorësh iu bashkua dhe ai amerikan, siç raportoi media izraelite.
Të dielën, duke folur në një takim të përjavshëm të kabinetit të tij, kryeministri izraelit Benjamin Netanyahu tha se Izraeli është duke planfikikuar një “plan veprimi” kundër OKB-së, por pa dhënë hollësira.
“Ne do të bëjmë çfarëdo që është e domosdoshme që Izraeli të dalë i padëmtuar nga ky vendim i turpshmëm,” tha Netanyahu.
Ndikimi i menjëhershëm i rezolutës pritet të jetë kryesisht simbolik, por Izraeli ka frikë se kjo mund t’i hapë derën një rritjeje të hapave ndërkombëtare, përfshirë dhe masat ekonomike. Pjesa më e madhe e bashkësisë ndërkombëtare konsideron vendbanimet si të paligjshme dhe një pengesë për paqe. /tesheshi.com/
