Në një kohë kur Silvio Berlusconi po diskuton për shitjen e aksioneve të Milanit te tajlandezi Bee Taechaubol, ky i fundit e ka gati planin për ta rikthyer skuadrën në majat e futbollit italian dhe atij europian.
Sipas asaj që shkruan sot “TuttoSport”, Mr.Bee ka zgjedhur Luciano Spallettin si pasardhësin e Pippo Inzaghit në stolin e Milanit.
Tajlandezi ka hequr dorë nga pista Fabio Cannavaro pasi e ka kuptuar se pas dy sezonesh të dështuara klubi ka nevojë për një trajner me eksperiencë.
Ish tekniku i Zenit le pas ish teknikun e Italisë Cesare Prandelli dhe atë të Real Madrid Carlo Ancelotti, që mbetet një ëndërr thuajse e pamundur. /tesheshi.com/
