Pedro Sanches është betuar si kryeministër i ri i Spanjës në një zhvillim tërësisht të ri për historinë politike të këtij vendi me theks katolik, por edhe të gjithë Europës.
La Repubblica thekson se në historinë politike të Spanjës, kryeministri që është betuar tek Mbreti ka mbajtur në dorë Biblën ndërkohë që në sallë ishte vendosur kryqi.
Por sot në sallë nuk ka pasur as Bibël e as kryq; lideri socialist spanjoll është betuar vetëm mbi Kushtetutën e Mbretërisë së Spanjës.
Një zhvillim protkollar ky që shënon një “revolucion” politik në vend drejt shtetit superlaik.
Kisha Katolike në Spanjë ka pasur gjithnjë pushtet të rëndësishëm në politikën vendase, por gjithnjë e më tepër ky pushtet është dobësuar.
Petro Sanches është betuar përpara Filipit VI, dhe ka bërë të ditur se qeveria e tij do të jetë monokolor, pra me vetëm ministra të PSOE-së, edhe pse do të mbështetet nga Podemos dhe indipedentistët katalonjas dhe baskë.
Në parlamentin spanjoll socialistët kanë vetëm 85 vende nga 350 gjithsej, ndaj çdo ligj do të duhet të llogarisë lobimin dhe negociatat me majtistët e Podemos e mbi të gjitha me katalanët, që janë realisht grupimi më i fuqishëm në Spanjë, të cilët ishin ata që rrëzuan qeverinë e konservatorit Mariano Rajoy.
Masa e parë e Sanches do të jetë natyrisht një amnisti për të burgosurit politikë të Katalonjës dhe një rinisje të procesit dukshëm të pakthyeshëm të pavarësisë së rajonit më të zhvilluar të Spanjës.
Si masë e parë, qeveria e re do të zhvendosë të burgosurit politikanë nga burgjet e Madridit në Barcelonë, ku ata do të jenë më të mundshëm për të takuar familjarët dhe për të dhënë intervista.
Vetë Sanches ka deklaruar se do të nisë një proces dialogu politik ndërmjet Madridit dhe Barcelonës për të zgjidhur ngërçet.
Por tërmeti më i madh i pritshëm i qeverisë së re është vettingu ndaj 1300 punonjësve të administratës publike.
Sanchez ka premtuar që një e nga një të gjithë do të japin shpjegime për pasuritë e fituara gjatë qeverisjes 7-vjeçare, tashmë të të rrëzuarit Mariano Rajoy. /tesheshi.com/
