Situata emergjente është shpallur në Cacak, Lucani, Arilje dhe Topola, komuna në Serbinë qendrore dhe perëndimore, për shkak të shirave të rrëmbyeshëm dhe përmbytjeve të mëdha.
Në Bajina Basta, në Serbinë perëndimore për shkak të reshjeve të shumta, disa shtëpi janë zhytur nën ujë dhe mjaft rrugë janë dëmtuar.
Në Preljine, pranë me Cacak, lumi Cemernik ka dalë nga shtrati duke bërë evakuimin e 15 banesave, ka bërë me dije Predrag Maric, shef i Sektorit të Situatave Emergjente në serbi.
Ai shtoi se niveli i ujit është ngritur edhe në lumenjtë e tjerë në Serbi, por nuk janë shfaqur probleme serioze. Ai shpjegoi se banorët në komunat Kosjeric, Arilje dhe Cacak janë paralajmëruar që prej ditës së premte për këto përmbytje. /tesheshi.com/
