Republika e re e Lulzim Bashës do të nisë me anulimin e konçensioneve të dhëna nga “Republika e vjetër”.
Ky është premtimi që ka dhënë kreu i PD-së Lulzim Basha në Libofshë të Fierit duke prezantuar programin e tij ekonomik që synon shtimin e parave në xhepat e qytetarëve.
“Do t’i anulojmë koncensionet në shëndetësi”- tha ai duke shtuar se me shembjen e themeleve te Republikës së vjetër, do jene qytetarët ata që do të kenë në dorë politikanët.
Duke marrë shkas nga përurimi i sheshit Skëndebej ai akuzoi qeverinë aktuale për shpenzime të mëdha për shfaqje dhe fasada.
“Katër vite ka harxhuar 16 miliardë euro buxhet. Rilindja Urbane, 400 milionë euro. Shfaqja me fishekzjarre tek sheshi “Skënderbej” ka kushtuar qindra mijëra euro. 16 milionë euro ka kushtuar sheshi. Vetëm fishekzjarret kanë kushtuar midis 200 dhe 400 mijë euro, sipas ekspertëve. Sa vetë do të kishin marrë subvencione me këto para’ po të kishin shkuar për fermerët? Sa familje do të kishin marrë ndihmë ekonomike? Sa pensione do të ishin rritur për një vit nëse këto para’ nuk do të kishin shkuar për fishekzjarret e lali Erit?”
Premtimet e kreu të PD-së në fushatë kanë të bëjnë kryesisht me ulje taksash;
“Vetëm me uljen e TVSH-së tek xhepat e konsumatorit mbeten 400 milionë euro. Imagjinoni, 400 milionë euro më shumë për njerëzit për të blerë qumështin, bulmetin, frutat, perimet, bukën dhe mishin. 400 milionë euro më shumë se sot”, tha Basha.
“Me taksën e sheshtë 9%, me uljen e çmimit të naftës, me eleminimin e taksës Rama 240 lek për litër, me uljen e çmimit të energjisë, ne krijojmë një ambient të favorshëm për sipërmarrjen dhe për fermerët”- theksoi ai duke e parë uljen e taksave si nxitje e zhvillimit ekonomik./tesheshi.com
