Replica-t e statujave të famshme janë të zakonshme nëpër botë, pasi jo të gjithë kanë mundësi të shohin origjinalet. Por dy prej tyre vecohen për shkak të debatit të madh public që shkaktuan, për shkak jo vetëm të pangjashmërisë me origjinalin por edhe shakave thumbuese që nxitën në rrjetet sociale.
Në Egjipt, autoritetet e hoqën më në fund statujën që duhej të ishte një kopje e origjinalit të Mbretëreshës së lashtësisë Nefertiti. Statuja origjinale që ndodhet në muzeun e Berlinit daton 3300 vjet më parë. Por shihni sesi version modern e shëmton kaq shumë atë….
Kjo kopje e statujës së famshme, sapo dolën fotot e para të saj, nxiti një lumë shakash në rrjetet sociale që bënë xhiron e botës. Media sociale në Egjipt pretendoi se statuja është një tallje me Nefertitin dhe popullin.
Meme të ndryshme qarkulluan ndër më qesharaket, si ajo që e krahasonte Nefertitin me njeriun e fortë të Egjiptit, presidentin Abdel Fattah El-Sissi.
Kopja e dytë i përket Australisë e bëhet fjalë për një statujë të Davidit, vepër e Mikelanxhelos.
Mediat lokale e kanë “kryqëzuar” autorin e saj, pasi kopja nuk ngjan fare me origjinalin. “Duket më shumë si një atlet tepër muskuloz i Olimpikeve”, shkruajnë rrjetet sociale. /tesheshi/
