Shitjet globale të kompjuterëve janë ulur me 16.2 për qind në vitin 2022 krahasuar me një vit më parë.
Sipas një raporti të agjencisë kërkimore Gartner, shitjet e kompjuterëve vitin e kaluar ranë me 16.2 për qind në 286.2 milionë njësi krahasuar me vitin 2021, raporton Anadolia.
Shitjet e kompjuterëve arritën në 65.3 milionë njësi në tremujorin e fundit të vitit të kaluar, një rënie prej 28.5 për qind nga e njëjta periudhë e vitit 2021.
Rënia më e madhe që nga viti 1990
Rënia e shitjeve të kompjuterëve në tremujorin e fundit ishte rënia më e madhe që nga mbajtja e të dhënave zyrtare në vitin 1990.
Sipas raportit, Lenovo e Kinës zë pozitën udhëheqëse me 68.9 milionë (24.1 për qind të tregut).
Pasohet nga Hewlett-Packard me 55.5 milion njësi (19.4 përqind e pjesës së tregut), Dell është i treti me rreth 50 milion (17.5 përqind), dhe Apple është me 27.9 milion njësi (9.8 përqind) në vendin e katërt. /tesheshi.com/
