Kombëtarja shqiptare e drejtuar nga Christian Panucci ka shënuar një tjetër rezultat të turpshëm, duke u mundur në miqësoren e radhës nga Ukraina me rezultatin e thellë 4-1.
Pjesa e parë përfundoi 3-0. Për kuqezinjtë të vetmin gol e shënoi Emanuel Ndoji, në rë parin debutim të tij me fanelën e kombëtares.
Edhe pse ishte premtuar se kjo ndeshje do ishte pika e kthesës për ekipin përfaqsues, rezultati sërish ka qenë katastrofal.
Humbja me Ukrainën vjen pas asaj me Kosovën, 3-0, ku vetën trajneri italian e pranoi se ishte ndeshja më e dobët prej kur morri drejtimin e ekipit.
Epoka De Biassi duket diçka e harruar tashmë me Panucci-n, një performancë tërësisht tjetër, deri në kufijtë e skandalozes. /tesheshi.com/
