Krerët e Serbisë kanë “kënduar” fitoren pas mosmiratimit të Kosovës në UNESCO, ndërkohë që drejtuesit e Prishtinës kanë bërë të ditur se do ta provojnë sërish.
Zv.kryeministri i Kosovës, në reagimin e parë pas votimit shkruajti se: Shumica e madhe e shteteve të botës kanë votuar për Kosovën. Fatkeqësisht, për 4 vota nuk fituam shumicën e nevojshme. Për 10 muaj fushatë, si konfidenciale, ashtu edhe të hapur, kemi dhënë maksimumin dhe ç’është me rëndësi edhe qytetarët dhe miqtë e Kosovës dhanë shumë. Rruga e Kosovës është e pandalshme dhe ne do të aplikojmë dhe do të anëtarësohemi edhe në organizata tjera, përfshirë UNESCO-n edhe një herë. Zoti ju bekoftë. Zoti e bekoftë Republikën e Kosovës”.
Ndërkaq, Presidenti i Serbisë, Tomisllav Nikoliç deklaroi se “ishte një fitore morale kundër kushteve të pamundura dhe është e drejtë që morrën mbështetjen e shumicës”.
Ndër vendet që votuan kundër ishin thuajse shtetet kryesore të Amerikës Latine, dy prej të cilëve u vizituan kohët e fundit nga shefi i diplomacisë shqiptare, Ditmir Bushati.
Ndër vendet që votuan kundër pranimit të Kosovës në UNESCO ishin: Afrika e Jugut, Angola, Argjentina, Armenia, Bjellorusia, Bolivia, Botsvana, Brazili, Kili, Kina, Kongo, Kuba, Qipro, Ekuador, Eritrea, Etiopia, Spanja, Rusia, India, Kazakistani, Palestina, Korea e Veriut, Sllovakia, Uruguaj, Venezuela, Indonezia, Kirgistani, Libani, Maroku, Meksika, Majmari, Namibia, Nikaragua, Uganda, Paraguaj, Filipine, Siria, Moldavia, Laosi, Serbia, Sudani i Jugut, Sri Lanka, Surinam, Zimbabve.
Pro anëtarësimit të Kosovës në UNESCO votuan: Afganistani, Shqipëria, Gjermania, Andora, Arabia Saudite, Australia, Austria, Bahami, Bahreini, Belgjika, Belize, Benin, Brunej Bullgaria, Burkina Faso, Kanada, Kosta Rika, Kroacia, Danimarka, Xhibuti, El Salvador, Emiratet e Bashkuara Arabe, Estonia, Maqedonia, Fixhi, Finlanda, Franca, Gabon, Gambia, Gana, Grenada, Guineja, Guajana, Haiti, Hondurasi, Hungaria, Ishujt Salomon, Irlandë, Islandë, Itali, Jordani, Kuvajti, Lesoto, Letonia, Liberia, Libia, Lituania, Luksemburg, Malajzia, Malavi, Malta, Monako, Mali i Zi, Nauru, Nigeria, Norvegji, Zelanda e Re, Omani, Pakistani, Palaos, Panama, Guinea Papua, Holanda, Portugalia, Katari, Republika Domenikane, Çekia, Tanzania, Tajlanda, Britania e Madhe, Ruanda, Shën Luçia, San Marino, Samoa, Senegal, Sierra Leone, Sllovenija, Somalia, Sudani, Suedia, Zvicra, Çad, Tajland, Timori Lindor, Togo, Tonga, Turqia, Jemeni.
Kanë abstenuar: Algjeria, Bangladesh, Barbuda, Butani, Bosnjë dhe Hercegovina, Burundi, Kameruni, Egjipti, Greqia, Guiniea, Xhamajka, Japonia, Kenia, Mali, Nepali, Nigeria, Peruja, Polonia, Republika e Afrikës Qendrore Republika Korea e Jugut, Rumania, Sejshëllati, Singapori, Trinidad dhe Tobago, Tunizia, Vietnam, Zambia.
Por ndërkohë, në media të ndryshme kosovare po spekullohet mbi të ashtëquajturat vende islamike që nuk ia kanë dhënë votën Kosovës. Po të shikohet lista e vendeve “pro”, “kundër” apo atyre që kanë abstenuar, vihet re që vende me status “islamik” ka në të trija grupimet, që do të thotë se elementi fetar në këtë rast nuk ka qenë fare përcaktues në motivin e votës.
Sa për shembull, Egjipti nuk mund të quhet vend islamik, pasi ka një qeverisje krejt shekullare që udhëhiqet nga të tjera kritere kur e jep votën. Ndërkohë që vendi i cili ka vërtet një qeverisje islame, Arabia Saudite, ka votuar “pro”. Mbetet për t`u diskutuar vota “kundër” e Palestinës, por dhe ajo do zbardhet ditët në vijim në debatin e madh që do shoqërojë postvotimin. /tesheshi.com/
