Kosova është rritur në 11 vende në renditjen më të re të FIFA-s dhe tani mban vendin e 141-të pas fitores bindëse 3-0 në miqësoren ndaj Shqipërisë.
Kurse kjo e fundit ka humbur dy vende, pas disfatave kundër “Dardanëve” dhe Ukrainës dhe tani renditet e 58-ta.
Në pesë pozitat e para nuk ka pasur ndryshime, me Gjermaninë që vazhdon të konsiderohet si Kombëtarja më e mirë në botë, e pasuar nga Brazili, Belgjika, Portugalia dhe Argjentina.
Një ndër favoritët për të triumfuar në Rusi, Spanja, ka humbur dy vende në renditjen e re të FIFA-s dhe tani renditet e 10-ta. /tesheshi.com/
