Në urimin e tij për Krishtlindje, kreu demokrat Basha zgjodhi të theksojë nevojën për bashkim në këto kohë të vështira nga pasojat e tërmetit.
Ai zgjodhi pikërisht Durrësin, qytetin më të goditur më 26 nëntor, për të vizituar Kishën Ortodokse të atyshme, e për të uruar festën e krishterë.
“Dua të uroj nga zemra të gjithë besimtarët e krishterë. Mendimet dhe lutjet e mia janë me ata më shumë në nevojë në mënyrë të veçantë me ata të prekurit nga tërmeti i 26 Nëntorit.
Një thirrje për një bashkim më të madh, më të fuqishëm si një familje për të përballuar çdo të keqe dhe për të dalë në dritën e begatisë dhe bekimit të Zotit. Gëzuar dhe Zoti e bekoftë Shqipërinë”, tha Basha.
Ndërkohë në praktikë, ai refuzoi të bashkëpunojë me qeverinë në situatën pas-tërmetore, paçka ftesave të shumta të kryeministrit Rama.
Basha zgjodhi dhe në kërë rast që të bëjë opozitarin, ku ditët e para iu shmang akuzave, por më pas kaloi në pozicionin klasik politik, duke akuzuar qeverinë për paaftësi në përballimin e pasojave, e më tej në menaxhmin e situatës. /tesheshi.com/
