Një dentiste nga Shtutgarti ka refuzuar një kandidate për punë për shkak të shamisë, dhe për këtë arsye ajo do të përballet me një padi, njofton Die Welt.
“Padia do të dorëzohet ditët e ardhshme”, tha avokati Bulent Doger, duke shtuar se të gjithë duhet të trajtohen njësoj në konkursin për punë.
Pas aplikimit për punë, një muslimane ka marrë përgjigjen: “Ne nuk punësojmë gratë që mbajnë shami dhe nuk kuptojmë se si ato mendojnë se dikush do ta tolerojë këtë.”
Dentistja kërkoi falje për shkak të kësaj përgjigje në faqen e saj, duke shtuar se flokët mund të mbulohen edhe me kapelën mjekësore që vëndoset para operacionit, edhe pse mohoi mundësinë që një grua me mbulesë të punojë në klinikën e saj.
Ministri për punë sociale të Baden-Wurttemberg, Manfred Lucha tha se në shoqërinë gjermane ende ekziston diskriminimi.
“Ne duhet të tregojmë se diskriminimi nuk ka vend këtu”, përfundoi Lucha. /tesheshi.com/
