Presidenti francez Emmanuel Macron dënoi vendimin e Italisë që refuzoi të pranonte më shumë se 600 emigrantë, duke i kujtuar qeverisë italiane për detyrimet e tij në përputhje me ligjin ndërkombëtar.
Precedenti u shënua orë më parë, kur ministri i Brendshëm Salvini urdhëroi që anija me ngarkesën e madhe njerëzore që vinte nga Libia, të mos ankorohej në brigjet italiane. Të mbetur në det të hapur, pasi edhe Malta ndoqi të njëjtin shembull, ata u pranuan nga Spanja.
Ndërsa Macron, me anë të zëdhënësit të qeverisë, Benjamin Griveaux, i kujtoi Romës se në përputhje me ligjin e detit, vendi më i afërt është përgjegjës për pranimin e njerëzve të cilët e gjejnë veten në telashe.
“Ka një shkallë cinizmi dhe papërgjegjshmërie nga ana e qeverisë italiane në lidhje me situatën dramatike humanitare”, tha Macron në një takim me kabinetin e tij, raporton Griveaux.
Por ndryshe mendon anti-emigranti i madh i Europës, kryeministri hungarez Viktor Orban. Vendimin e qeverisë italiane ai e quajti një “moment të madh” dhe me frazën tjetër miratuese: “më në fund”.
Sipas Orban, për vite me rradhë ishte kaq dëshpëruese të dëgjoje se kufijtë detarë evropianë nuk mund të mbrohen.
Ndërsa Macron përshëndeti vendimin e Spanjës për të pranuar mbi 600 shpirtëra dhe bëri thirrje për “solidaritet evropian” ME qeverinë spanjolle. /tesheshi.com/
