Pas samitit të BE-së me vendet e Ballkanit për çështjen e refugjatëve, edhe Shqipëria të “hyjë në forcë”.
Qeveria shqiptare ka bërë gati repartet ushtarake të zonës së Korçës për të pritur refugjatët nga Siria që mund të hyjnë në Shqipëri, me afrimin e dimrit.
Ish-reparti ushtarak në Kapshticë do të kthehet nga Ministria e Brendshme si një qendër pritjeje dimërore.
Një godinë e braktisur prej vitesh pritet që t’u ofrohet atyre si strehë, ndërsa sipas të dhënave kapacitetet e saj janë për të paktën 500 persona.
Pas kërkesës së Ministrisë së Brendshme për përcaktimin e hartës për ndërtimim e kampeve për këta refugjatë, autoritetet vendore kanë marë masat e para, ndërsa më tej do të punohet për përmirësimin e infrastrukturës dhe ushqimin e tyre.
Numri i refugjatëve nga Lindja e Mesme po rritet gjithnjë e më shumë. Vetëm në premten, siç ka vlersuar UNHCR në Serbi kanë hyrë 8500 refugjatë.
Nga ky numër i madh i refugjatëve janë familje me fëmijë të vegjël nga Siria, Iraku dhe Afganistani.
Gjatë muajit qershor, numri i refugjatëve që kanë hyrë nga Maqedonia në Preshevë ka qenë 300 deri 500 refugjatë në ditë, ndërsa ky numër është dhjetëfishuar.
Që nga fillimi i këtij viti janë regjistruar rreth 300.000 refugjatë vetëm në Serbi, ndërsa në Maqedoni e Greqi numri është më i madh. Sipas të gjitha gjasave me afrimin e dimrit, numri do të rritet edhe më tepër.
/tesheshi.com/
