Partia Demokratike akuzon mazhorancën, me në krye kryeministrin Rama, se po sabotojnë qëllimisht proçesin e Reformës Zgjedhore. Në një deklaratë për mediat, deputeti demokrat, Oerd Bylykbashi tha se opozita ka prezantuar një platformë të plotë për këtë reformë që më datë 17 maj, me qëllim që zgjedhjet e ardhshme parlamentare të kryhen në mënyrë të lirë e të ndershme.
“Platforma që PD ka marrë vlerësime nga edhe palët ndërkombëtare. Mazhornaca ka sabotuar proçesin e Reformës Zgjedhore, qëllimisht. Ka nisur hartimi listave dhe asgjë si asnjëherë më parë, nuk është bërë për këtë reformë edhe pse jemi në prag të zgjedhjeve”, deklaroi Bylykbashi.
Ai ka kërkuar masa të menjëhershme, për të shmangur manipulimin e votave.
“Të merren masa që të mos kriminalizohen votat, të bëhet votim elektronik. Rama e bllokoi proçesin e Reformës Zgjedhore. Kemi kërkuar një numër masash, që kërkojnë barazinë në media. Nëse platforma e PD-së nuk merret në shqyrtim urgjent, nuk ka asnjë garanci për zgjedhje të ndershme në 18 qershor”, tha deputeti i opozitës.
Ai shtoi se qëndrimi i Elvis Roshit ende në detyrë, apo rasti i Klement Balilit që nuk i dorëzohet drejtësisë janë prova që dekriminalizim është bllokuar nga vetë Rama./tesheshi.com/
