Ministri i Drejtësisë, Ylli Manjani, në një tryezë të rrumbullakët të mbajtur ditën e sotme në kuadër të reformës në drejtësi, është shprehur se diskutimet për këtë reformë duhet të vazhdojnë, ndërsa deklaroi se gjyqtarët, prokurorët e avokatët duhet të vijojnë punën e tyre të përditshme dhe të mos shfokusohen nga detyra e tyre.
“Diskutimet për reformën në drejtësi do të ndodhin, por të mos harrojmë se janë po këta gjyqtarë e prokurorë që arrestojnë, gjykojnë dhe dënojnë personat. Të mos shfokusohemi nga asnjë deklaratë. Merrni përgjegjësitë ligjore e kushtetuese për të kryer misionin tuaj në bazë të ligjit dhe në bazë të provave që vijnë në sallat tuaja të gjykimit”,- tha Manjani
“Mos u shfokusoni. Shteti vazhdon punën, pavarësisht diskutimeve në tryeza të ndryshme, por mos harroni se gjyqet vazhdojnë dhe duhet të vazhdojnë sipas ligjit dhe sipas procedurave ligjore në fuqi. Jemi në punë e në krye të detyrës”,- deklaroi kreu i drejtësisë.
Në vijim të fjalës së tij ai u shpreh se duhet të jemi të shqetësuar për korrupsionin, por duhet të mos i fusim të gjithë në një thes./tesheshi.com/
