Qytetarët turq në gjashtë vende europiane kanë nisur të votojnë për referendumin, fushata për të cilin shkaktoi konflikt ndërkombëtar kur u ndaluan tubimet e zyrtarëve të Ankarasë në mbështetje të tij.
Gati 3 milionë njerëz kanë të drejtën e votës jashtë Turqisë, gati gjysma e tyre jeton në Gjermani. Por, tubimet politike u ndaluan në disa vende europiane, duke sjellë përplasje të ashpër midis Turqisë dhe fqinjëve të saj europianë. Presidenti Erdogan akuzoi autoritetet gjermane dhe ato hollandeze se po vepronin si nazistë.
Pavarësisht tensionit, këtë të hënë ka nisur votimi në aeroporte dhe në pikat kufitare të aeroporteve në Turqi, sikundër edhe në misionet diplomatike turke në Gjermani, Austri, Belgjikë, Francë, Zvicër dhe Danimarkë. /tesheshi.com/
