Përbërësit:
320 gr makarona (penne)
200 gr domate qershi
200 gr mocarela
2 kunguj të njomë
Borzilok
4 lgj vaj ulliri
1 thelpi hudhër
Kripë, piper i zi
Vendosim një tenxhere me ujë dhe kripë dhe sapo të kalojë uji në vlim shtojmë makaronat të ziejnë sipas minutazhit të përcaktuar në etiketë. Ndërkohë kungujt i presim në feta rrumbullake me trashësi 0.5 mm dhe më pas i vendosim në një tigan zgare të piqen në grillë. Domatet i presim në gjysma ose në ¼ dhe i vendosim në një tas.
Shtojmë tek domatet më pas gjethe borziloku të prera me duar, hudhrën të prerë shumë hollë, vajin e ullirit dhe pak kripë dhe i përziejmë së bashku duke shtuar në fund djathin mocarela të prerë në kubikë.
Kullojmë makaronat dhe i shtojmë në tasin ku kemi të gjithë përbërësit e tjerë, në fund shtojmë dhe kungujt e skuqur dhe pak vaj ulliri të freskët./tesheshi.com/
